做好皮秒去斑後, 如何加強效果

皮秒（Picosecond）其實是一個時間單位，1皮秒等同萬億分之一秒。皮秒激光就是激光能量以超短脈衝時間直接震碎黑色素，瞬間將黑色素團擊碎成細小嘅顆粒狀，之後再通過身體代謝排出體外，以達到去斑效果。相比起傳統激光，皮秒技術速度快、熱傷害低。

激光去斑3大潛在副作用

激光屬於高能量儀器，過程中產生嘅熱力會令皮膚內嘅水份流失，導致皮膚變得乾燥、脆弱同敏感。呢個時候，肌膚處於修復階段，需要特別細心嘅護理，先可以避免進一步嘅刺激，並獲得療程嘅最佳效果。

1. 泛紅｜短暫性敏感反應 完成皮秒去斑療程後，皮膚可能會出現輕微泛紅，尤其係針對色素較深嘅部位。呢種泛紅通常係皮膚對激光能量嘅自然反應，屬於正常情況，大部分人喺三至四日內就會見到紅腫逐漸消退。

2. 乾燥｜水份流失導致脫皮 皮秒去斑等高能量儀器雖然有效擊退黑色素，但同時會帶走皮膚內嘅水份，令肌膚變得格外乾燥，甚至可能出現輕微脫皮現象。

3. 結焦｜正常修復過程 皮秒去斑治療後，部分皮膚可能會出現細小嘅結焦現象，呢個係皮膚自然修復過程中嘅一部分。結焦會喺幾日內自然脫落，千祈唔好用手撕開，否則可能會引起炎症，甚至導致色素沉澱或者疤痕形成。

激光去斑後護理

完成皮秒去斑療程後，肌膚通常會處於一個較為脆弱嘅狀態，因此正確嘅打斑後護理係必不可少嘅。以下係幾個黃金護理法則，幫助你快速修復肌膚，並保持最佳去斑效果：

加強保濕 完成皮秒去斑療程後，肌膚常會出現乾燥甚至輕微脫皮嘅情況。選擇無刺激性、成分簡單嘅保濕產品，例如含有透明質酸或者修復型精華，可以有效加速肌膚屏障修復，減少乾燥不適。若果預算足夠，可以去美容院進行深層補濕的手工療程，呢類型既保濕療程可以為皮膚提供長效水份，提升修復速度，令皮膚修復過程事半功倍，仲可以有效減少乾燥同敏感情況出現。

注意防曬 防曬係去斑後護理中最重要嘅一步。因為激光去斑治療後，皮膚對紫外線特別敏感，稍有不慎就有可能出現反黑情況。選擇SPF30以上、PA++++嘅防曬霜，並且記得每4小時補塗一次，尤其喺戶外活動時更加要注意。

避免美白、去角質及酸類產品 皮秒去斑治療後頭幾個星期，應避免使用含有酸類、酒精或者去角質成分嘅護膚品，因為呢啲成分會刺激肌膚，影響修復過程。選擇溫和型護膚品，並減少化妝，讓肌膚有足夠時間休息。另外，洗面和搽護膚品時，動作一定要保持輕柔，避免用力拉扯或者摩擦肌膚。

注意飲食 避免進食刺激性食物例如牛肉、海鮮、辣椒和酒等等；多食富含維他命C同抗氧化成分嘅食物，例如奇異果、橙、藍莓等，有助於抑制黑色素生成

只要你按照以上建議進行打斑後護理，並保持良好嘅生活習慣，例如均衡飲食同充足睡眠，就可以大大提升去斑效果，並減少反黑或者副作用嘅風險。

皮膚出現「反黑」應該怎樣護理？

進行激光去斑療程後，有機會因為皮膚對紫外線嘅敏感度增加，或者修復期間黑色素沉著，而出現所謂嘅「反黑」現象。雖然「反黑」係一種正常嘅修復過程，但適當護理可以幫助加快黑色素代謝，令膚色更快回復均勻。通常會喺3-6個月內隨住皮膚新陳代謝慢慢變淡，期間只需要做好防曬、保濕同營養補充，就可以促進黑色素自然代謝。

皮秒去斑配合Bellasonic雙頻無針水注